ភ្នំពេញ÷ នាយករដ្ឋមន្រ្តីកម្ពុជា សម្ដេចតេជោ ហ៊ុន សែន បានជំរុញឱ្យមានការខិតខំយកចិត្តទុកដាក់លើការការកែច្នៃវត្ថុធាតុដើមនៅកម្ពុជាជាពិសេសចំណីអាហារ ដើម្បីបម្រើនូវការនាំចេញឱ្យកាន់តែខ្លាំងក្លា។
សម្ដេចតេជោបានជំរុញដល់ក្រសួងឧស្សាហកម្មនិងផ្នែកពាក់ព័ន្ធទាំងអស់ដោះស្រាយនូវបញ្ហាខ្វះខាតជំនាញជាមួយក្រសួងការងារ ខណៈរដ្ឋាភិបាលនឹងដាក់ចេញនូវការបណ្ដុះបណ្ដាលវិជ្ជាជីវៈដោយឥតគិតថ្លៃដល់សិស្សក្រីក្រជាង ១លាន ៥សែននាក់នាពេលខាងមុខ។
សម្ដេចថា៖ «ខាងមុខយើងនឹងបណ្ដុះបណ្ដាយសិស្សក្រីក្ររបស់យើង ១លាន ៥សែននាក់ ហើយនៅទីនេះនឹងទទួលបានគុណប្រយោជន៍ជាច្រើនពីការបណ្ដុះបណ្ដាលនេះ»។
សម្ដេចថ្លែងបែបនេះក្នុងពិធំសំណេះសំណាល និងពិសារអាហារសាមគ្គីសហគ្រាសធុនតូច និងមធ្យម និងសិប្បកម្មកម្ពុជារសៀលថ្ងៃទី១០ ខែមេសា ឆ្នាំ២០២៣នេះ៕
